بما ان الدنيا اختبارات رح ابدء بهاذي المواقف
في واحد سوا برشام بحجم ورقة الدفتر الي درس فيه ولصقها على فخده بوسطة لصق فلوس الصغير وسوا وحدة ثانية ولصقها بفخده الثاني بس المصيبة الأكبر انه لما جا يغش منها رفع الثوب كله مما لفت انظار المراقبين وياليت وقف غش الا قاعد ينقل منها والمدرس فوق راسه واقف
ولما قاله المدرس:هات الورقة
قال الطالب المجتهد بالغش:لا بكل ثقة وراح يكمل غش عادي ولا كأن المدرس موجود<<الأخ طيب ويعرف الأهل وعارف ان الولد هذا موصى عليه لشدة غباءه فعدى المدرس الموقف
بس الي يقهر ان الولد محل شي صح<<< ابغى اعرف ايش الي كان ينقله من الورقة وقتها
ووحدة من صحباتي:قالتلي ان وحدة من صحباتها معاها مرض فيروس الكبد الوبائي (الله يشفيها)وهنا عاد انا قلت لصحبتي تاخذ حذرها يمكن يكون معدي.......مر يومين
وسألتني :طيب اقللك الفيروس هذا يعدي اذا كلمتها عن طريق الجوال يعني يوصل الفيروس ونا اكلمها بالجوال ويعديني ...............انا سكت شوية لما كنت احسبها تمزح بس فقعت من الضحك لما عرفت انها تتكلم من جد
وفي مدرس حاط لطلاب هذا السؤال السهل رغم انهم صف اول ثانوي (ماهي اعضاء الحس الخمسة؟)لأنه عارف الي عنده عباقرة .
توقع الكل يحله ..بس انصدم لما شاف الأجابات التالية(الجلد-الأصابع-...........الخ)حرام شوية ويقدم الأستقالة ايش اسهل من كذا سؤال بمادة الأحياء
مرة واحد من اخواني اتصل على واحد من اصحابه :يافلان وينك؟
فلان:شوية اتصل عليك انا بالمسجد بالركعة الثانية مع السلامة وراح يكمل صلاته <<هذا الموقف فقعني انا واخويا ضحك من جده ذا <<<< الي جنني ان الموقف الي صار اخذه عادي
ووحدة من صحباتي بعد الغداء راحت تغسل يدها جوا الحمام عالمغسلة الله يكرمكم وانا برا عند الباب كنت معاها عشان تكملي سالفة ومن ضمن كلامها ذكرت اسم الله ...هنا انا نبهتها قلتلها حرام تقولي اسمه بالحمام
فقالت:ايوى صح استغفر الله وهي جوى الحمام الله يكرمكم بعدها استوعبت غلطها وقمنا نضحك
ومرة كان عند اختي مدرس خصوصي وكانت هي تتغطى عنه طبعا بس تبين عيونها للضرورة المهم بعد ماخلصت الحصة وقامت بتمشي الا ورجولها تنعوج وتطيح قدامه ....ومو اي طيحة طيحتها كانت الي يشوفها يقول كأنها ساجدة هي ياحرام انبلشت بعمرها وتفشلت لأن العباية من قوة الطيحة انقشعت على قدام الي خلا شعرها يبين والي يزيد الطين بله انه رجولها تخدرت وما قدرت تتحرك على طول (وهذا كله قدام المدرس وطبعا ماقدر يساعدها مو محرم لها )بس تقول مالي وجه ادخلو حصة ثانية .ياحرام اصلا بعد الموقف راحت للمستشفى ولفو رجولها وعلى فكرة اختي مره طويله وطيحت الناس الطويلة دوم تجي غبية يعني الله لايحطنا محلها
موضوع: مواقف ضحكتني حقيقية هالمواقف لاتفوتكم 
